Cabugao, Ilocos Sur –
Naaramid ti pannakabendision dagiti innem a mainayon a lugan ti Munisipio ken maysa a Shredding Machine babaen ken ni Rev. Fr. Felix Costales, Kura
Paroko ti Iglesia Romano Katolika, Cabugao, Ilocos Sur iti Enero 21, 2013 iti
sango ti Munisipio a nakaiparadaan dagiti nasao a lugan ken Shredding Machine.
Inimatangan ti
Pamilia-LGU ken ti sibubukel a Sangguniang Bayan nga indauluan da Mayor Edgardo
S. Cobangbang, Jr. ken Vice Mayor Danilo Q. Gazmen kas panagsaganadda agraman Kapitanes ti Barangay ken umili
a naitaripnong iti pammendision.
Dagiti lugan a nabendisionan
ket maysa a Toyota Hi-Ace Grandia (black), dua nga Isuzu D-max pick-up (kolor gray ken maroon), maysa nga Isuzu
Elf, maysa a Suzuki Multicab, Dumptruck ken maysa a Shredding Machine.
Ti Dumptruck ken
Shredding Machine ket impaay ni Diputado Ryan Luis V. Singson iti ili ti
Cabugao idinto ta ginatang ti Munisipio ti uppat a sabsabali pay a lugan. #
(Web In-Action)
No comments:
Post a Comment