Thursday, January 17, 2013

FFS-GARLIC ITI BRGY. PUG-OS, UMADANIDAN NGA AGTURPOS

Cabugao, Ilocos Sur – Panagtutulag kadagiti maisagana a kasapulan iti umadani a panagturpos (Pebrero 20, 2013)  kadagiti nagadal ti Garlic Production ti   napagsasaritaan iti naangay a Farmers Field School session  a nakatiponan dagiti  Garlic Growers  iti Brgy. Pug-os, Cabugao, Ilocos Sur iti Enero 17, 2013.

Indauluan da Mrs. Ester P. Aguimbag, AT, DA–LGU Cabugao ken ni  Mrs. Remedios P. Inovejas, pannakabagi ti OPAG-Ilocos Sur a nangtimon iti napagsasaritaan.   Nakitaripnong met da Mrs. Ednalyn S. Silario, Mrs. Marjorie Castillo ken Ms. Arcelie Serrano, agpapada a taga-DA-LGU a nakipagtaming kadagiti napagnunumuan dagiti FFS Learners.

Kanaig daytoy, napagkaykaysaan  a maisayangkat ti Cross-visit dagiti agad-adal (FFS Learners)  ken Personnel ti DA-LGU ken OPAG ket pasiarenda   iti  agdindinamag a pagpatpatanoran  iti napintas nga apit ti bawang idiay  Pasuquin, Ilocos Norte inton  Enero 18, 2013 kas pangnayon ti adal ken padas dagiti FFS Learners.

Dagitoy a gannuat ket paset iti agtultuloy a panangtarabay/programa  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. kadagiti agmulmula iti   cash crops tapno agtultuloy a maingato  ti matgedan dagiti mannalon.  # (Web In-Action)

No comments:

Post a Comment