Cabugao, Ilocos Sur –
Naulit ti meeting dagiti kameng ti Local Poverty Reduction Action Team
ti ili a Cabugao, Ilocos Sur idi Enero 17, 2013 iti SB-ABC Hall, Cabugao,
Ilocos Sur iti panangidaulo ni Mayor Edgardo “Ediboy” S. Cobangbang, Jr., LPRAT
Chairperson.
Nagpaay a Facilitator
da MLGO Officer Constancia “Connie” L.
Quinola ken MPDC Florante Jara ket bininsada a diniskutir dagiti nakalanad iti
List of Priority Poverty Reduction Projects within Menu of Programs ken Outside
of Menu of Programs a maipatungpal para
kadagiti sektor a pakabenepisiaranna.
Nagatendar met ni
Mayor Edgardo “Ediboy” S. Cobangbang,
Jr. ket kimmablaaw ken pinagyamananna iti umisu a pannakaitudo
dagiti nasken a proyekto a kasapulan
ken maikkan ti prayoridad a maipakat inton 2014 a pannakaipatungpal daytoy a plano
ti National Anti-Poverty Commission (NAPC) ken DILG.
Innayon ti Alkalde
Munisipal iti padapada a
pannakabenepisiar dagiti madakamat a pakaiserbian dagiti proyekto ket ikagumaan
ti Munisipio a maipatungpal dagiti nailanad a non-menu programs a pagsayaatan dagiti napanglaw nga umili ken
dadduma pay a sektor a makasapul ti tulong.
Kalikagum pay ti Ama
ti Ili iti umisu a panangannurot dagiti mabenepisiaran iti maikanatad a panggep dagiti programa ken proyekto tapno makomplementaran
met ti panangipaay ti Munisipio kadagiti mayataday a pasilidades para
kadakuada.
Nagsarita met ni Mrs.
Brenda Nolasco, Provincial NAPC Facilitator ket bininsana ti sinaguday ken
proseso ti pannakaipakat ti programa.
Kangrunaan a nataming
ket maipapan iti bamboo development project, Shared Service Facility (SSF) a
manamnama a pakaaramidan ti production center ti panagaramidan ti longganisa,
bagnet, kalientes ken dadduma pay a kaarngina a pagkakitaan, pannakapasayaat
dagiti pageskuelaan, pannakaasikaso ti sanitasion, water facility, flood
control projects, pannakapasayaat ti kalsada, pannakapaadda ti water pump,
pannakapaberde ti aglawlaw, pannakaadda/pannakatarimaan ti irigasion, pannakagatang ti agas ken
kasapulan ti dental, social pension ti nataengan, pannakapasayaat ti day Care
Center, Core Shelter Assistance, procurement of therapeutic devices (STAC),
seeds and fertilizer subsidies, ken provision of nitrogen tank for artificial
insemination.
Dagiti ahensia a
maseknan a kakammayet ti LGU-Cabugao iti
menu programs iti pannakaipatungpal
dagitoy a proyekto ket dagiti sumaganad:
DTI, DOST, DepEd, DAR, DENR, DA, ken
DSWD. # (Web In-Action)
No comments:
Post a Comment