TURN-OVER TI LUGAN KEN MAKINA, INATENDARAN NI DIPUTADO RYAN

Cabugao, Ilocos Sur – Naangay ti panangiyallawat ni Congressman Ryan Luis V. Singson, First District, Ilocos Sur ti Dumptruck (Isuzu Elf 250)  ken Shredding Machine iti LGU-Cabugao ken dagiti Opisiales ti Cabugao Mango Growers Association iti imatang ti Pamilia LGU nga idauluan da Mayor Edgardo “Ediboy” S. Cobangbang, Jr. ken Vice Mayor Danny Q. Gazmen kasta met kadagiti  Kapitanes ti barangay a naitaripnong nga idauluan ni ABC President, Brgy. Captain Teddy U. Soller iti Enero 23, 2013 iti sango ti Munisipio.

Sakbayna, nairaman ti nasao a lugan ken makina kadagiti kagatgatang a lugan ti Munisipio a napabendisionan iti sango ti Munisipio idi Enero 21, 2013.

Pinagyamanan ti LGU-Cabugao nga idauluan ni Mayor Ediboy a nangilungalong kadagitoy a nagun-od a proyekto  manipud  ken ni Diputado Ryan Luis V. Singson a para iti umili. # (Web In-Action)