Tuesday, January 22, 2013

RAMIT ITI RHU, NAIDONAR MANIPUD ITI HAWAII

Cabugao, Ilocos Sur – Naisangpet dagiti  ramit-medikal nga indonar ti Cabugao Sons and Daughters Association of Hawaii iti panangidaulo ni Mrs. Mercedes I. Sonico, Presidente para kadagiti umili ti Cabugao, Ilocos Sur.

Inimatangan dagiti Opisiales ti Gobierno Lokal ti Cabugao nga idauluan ni Mayor Edgardo “Ediboy” S. Cobangbang, Jr. ken kameng ti  Sangguniang Bayan nga imatonan ni Vice Mayor Danilo Q. Gazmen kasta met dagiti dadaulo ti Opisina ti LGU dagitoy a ramit a mausar iti serbisio-medikal iti RHU-Cabugao idi Enero 21, 2013 ken naitarapnos a binendisionan ni Rev. Fr. Felix Costales, Kura Paroko, Iglesia Romano Katolika dagitoy a medical equipments.


Dagiti sumaganad ti naidonar a medical equipments: B.P Apparatus Digital Desk Type, B.P Apparatus with Stand, Stethoscope Littman, Stethoscope Japan, Baxtel BP Apparatus, Digital Ear Thermometer, Weighing Scale Adult, Weighing Scale Pedia, Instrument Minor Surgical Test, Dressing Table with Bottles,  ENT Otoscope Opthalmoscope,  Glocometer Medmi, Hemocytometer, Blood Lipid, Cholesterol, Uric Acid CBC, Light Curving Machine, Air Scolars, Dental Forceps and Elevators, Mirrors, Air Compressor (Silent Type), Pail, Basin, Examination Table, Mayo Dressing Stainless, ken Nebulizer Amexi.


Iti pannaki-amad ti Web In-Action, aggatad iti P309,900.00 iti naigatang  kadagitoy a naidonar a  nagatang nga alikamen  a mausar para iti balay-pagagasan ti ili (RHU).
Pinagyamanan ti Gobierno Munisipal nga idauluan ni Mayor Ediboy dagitoy  nga ayat ken tulong  dagiti kailian nga agnanaed iti ballasiw-taaw a mangkomplementar iti napintas a serbisio ti salun-at nga agtultuloy a maited kadagiti umili ken iti sapasap iti agdama. # (Web In-Action)


No comments:

Post a Comment