Cabugao, Ilocos Sur -Makipagselebrar ti Local Government Unit (LGU) – Cabugao iti panangidaulo ni Mayor Edgardo “Ediboy” S. Cobangbang, Jr. iti panangbigbigna ti pateg ti Philippine Civil Service Commission (CSC) iti September Month-long Celebration nga idauluan ti CSC nga Ahensia ti Gobierno.
Daytoy a panagselebrar ket naibatay iti Tema: “Tapat Na Serbisyo, Alay Ko, Dahil Lingkod Bayani Ako”. Naipalaon daytoy babaen iti Memorandum Circular No. 6, Series 2014 ti CSC iti Direktiba ni Chairman Francisco T. Duque III, MD, MSc.
Ti CSC ket naipasdek babaen iti Public Law No. 5, “An Act for the Establishment and Maintenance of Our Efficient and Honest Civil Service in the Philippine Island” idi Setiembre 19, 1900.
Kabayatanna, napadayawan ti umabot iti 29 a Mangisursuro iti Cabugao DepED District a “Loyalty Awardees” babaen iti Ahensia ti CSC gapu iti napaut a panagserbisioda manipud 10 agingga iti 40 a Tawen. # (Web In-Action)
No comments:
Post a Comment