Cabugao, Ilocos Sur – Paset ti pannakaidur-as ti Rice Sufficiency Program ti LGU-Cabugao ti pannakaipasdek ti Demo-Farm uray iti nasurong a disso ti Munisipalidad, kas panagkuna ni Municipal Rice Program Coordinator Nereo S. Daproza tapno sapasap a maksagrap dagiti umili ti napintas a programa ti Agrikultura iti Munisipio.
Iti biang ti Hybrid, maar-aramid ita ti panagbasa dagiti mannalon iti Sitio Caset, Barangay Maradodon, Cabugao, Ilocos Sur iti Farmers Field School on Adaptability Trial and Crop Establishment/Nutrient Management babaen iti panangisayangkat ti DA-LGU Cabugao ken ti DA-RFO 1, San Fernando City, La Union.
Dagiti naimula a klase ti pagay ket H-64 Hybrid, Bigante Plus Hybrid ken PSB Rc 82 Inbred a paset ti aktual a pagibasaran ti adalda iti 18 a lawas a panagbasada iti Palay Check, IPM ken ti AESA a kangrunaan a pakabuklan ti maiyadal.
Innayon ni Mr. Daproza a saan nga iti kinaadayo ti disso iti maikkan iti demo-farm no di pay ket parte ti programa ti Munisipio a maidanon ti kabaruanan a Teknolohia/serbisio iti panagmula ti pagay tapno maapresiar dagiti mannalon ket tuladenda ket maingato ti apitda ken matgedanda.
Ti Sitio Caset ket maysa kadagiti kasurongan a Sitio ti Munisipalidad ti Cabugao a pakaiwayatan ti programa ti Agrikultura ti Munisipio iti agdama. # (Web In-Action)
No comments:
Post a Comment