Cabugao, Ilocos Sur – Maysa kadagiti kangrunaan a nagapuanan ti Municipal Nutrition Committee iti Nutrition Month (July-August 2014) ket iti lima nga aldaw a panagseminar dagiti Barangay Nutrition Scholars (BNS), Barangay Health Workers (BHW’s), Kagawad, Committee Chair on Nutrition ti 33 a barangay ken dagiti 4 P’s Leaders a naangay idi Agosto 18-22, 2014 iti 2nd Floor, Municipal Building, Cabugao, Ilocos Sur.
Kangrunaan a nayadal kadagiti nadakamat a pannakaramay ti Munisipio iti Nutrision ket iti Plan of Action for Nutrition 2011-2016 ken National Plan iti Infant and Young Child Feeding (IYCF) 2011-2016. Naipasagepsep pay ti kaipapanan ti Pabasa sa Nutrisyon, Panagpasuso ti ubing a maladaga, Community Support for IYCF (Infant and Young Child Feeding) ken ti IYCF Counselling Cards.
Iti panagserra ti seminar, kangrunaan a naestudiar dagiti Re-entry Planning/Presentation of Re-entry Plans ken Post-test and Training Evaluation a mangpasayaat pay ti serbisio ti Nutrision.
Nagatendar kadayta a seminar da Ms. Eileen B. Blanco, Nutrition Program Coordinator, National Nutrition Council (NNC) - Region 1 ken ni Ms. Estella Shane J. Quinto, PNAO-Ilocos Sur. Naglektiur met da Kagawad Macrina I. Saturno, Consistent Awardee in Nutrition, Mrs. Gloria T. Segui, Federation President; Mrs. Agnes S. Ramos, BNS Carusipan ken ni Ms. Bernadette Mauricio, Nutrition Coordinator.
Segun ken ni Mrs. Joenah G. Sevilleja, Municipal Nutrition Action Officer ket maar-aramid latta iti inaldaw a pannakaipakat dagiti wagas a mangpasayaat ti programa ti Nutrition iti barangay maigapu iti aktibidad dagiti Barangay Nutrition Scholars (BNS), maseknan a Komite ti Konseho ti Barangay ken ka-koordinarda pay dagiti kameng ti Barangay Health Workers (BHW’s), Community Health Team (Kalusugan Pangkalahatan) ti LGU-DOH.
Inulitna nga imbaga a dagiti gapuanan ti imatonanda a benneg ti serbisio iti LGU-Cabugao ket dagiti sumaganad:
1.Nakikaysada iti July Nutrition Month Celebration ket nakikammayetda kadagiti 23 a pageskuelaan ti ili babaen iti Cooking Contest ken Nutri-Quiz nga inesponsoran ti LGU-DepED.
2.Inlunsadda ti panagmula latta dagiti bumarangay iti Malunggay Cuttings iti igid ti kalsada ken inaladanda tapno manayonan ti pagnatengan dagiti lumugar agsipud ta nasustansia daytoy a nateng.
3.Nakipartisiparda iti Provincial Nutrition Month Celebration and Culminating Program ket nakikontes ti dua nga amma iti Cooking Contest; maysa a BHW ken dua a BNS iti Nutri-Quiz ken naaramid ti Poster Making Contest a nakisalipan ti 7-12 Years old iti Junior Category ken 13-16 Years old iti Senior Category.
4.Nagun-od ti ili ti Cabugao ti 2nd Runner-up ti Outstanding BNS iti intero a Probinsia ti Ilocos Sur babaen iti kinatao ni Mrs. Merly Villegas, BNS ti Barangay Cacadiran, Cabugao, Ilocos Sur.
Dagitoy nga aksion ken inisiatiba ket maigapu iti agtultuloy a pannakaibayog ti programa ti Nutrision iti inaldaw a supsuportaran ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno mamantener ti kinasalun-at dagiti umili a kakuykuyog iti agtultuloy a progreso ti ili. # (Web In-Action)
No comments:
Post a Comment