MOBILE OUTREACH SERVICES TI PRC, DITOY LATTA CABUGAO

Cabugao, Ilocos Sur – Nayeskediul manen  ti Setiembre 19, 2014 iti “Araw ng Propesyonal”
(Mobile Outreach Program) ti Professional Regulations Commission (PRC) tapno dumanon dagiti Propesional a mangipabaro ti lisensiada, agaplikar iti eksaminasion wenno Board Examination kadagiti Kurso a lineppasda kasta metten  a pasingkedanda no nakaruarda iti napalabas nga eksaminasion ken pa-authenticate-da dagiti dokumentoda iti PRC. 

Dadduma pay a panggep/serbisio nga itden ti PRC Baguio ket dagiti sumaganad: 

1. Initial Registration for Licensure Examination Passers;
2. Application for licensure examinations;
3. Renewal of Professional ID/License;
4. Release of Professional ID Card and 
5. Certificate of Registration (per prior request by the professional and subject to availability); and
6. Issuance (upon request) of Certification of Good Standing.
Napasamak manen daytoy nga Outreach Services ti PRC ditoy ili ti Cabugao iti intero nga Ilocos Region (Region 1) iti maikadua a gundaway iti Tawen 2014.

Sakbayna, nag-courtesy call ti PRC Team iti  Opisina ti Human Resource Management Office (HRMO), Municipal Hall Building nga idauluan ni Miss Mimi S. Sison, HRM Officer idi Setiembre 18, 2014. 

Maibatay iti rekord ti HRMO-Cabugao, umabot ti 228 a Propesional ti naserbian ti PRC iti immuna nga eskediul-da idi Agosto 15, 2014 idinto ta 246 met ti naserbisyuan ti PRC iti Setiembre 19, 2014.

Timmulong met dagiti Personnel iti Office of the Mayor (OM)  iti daytoy nga aktibidad ti PRC  kasta metten da Mrs. Edith Galamgam ken ni Miss Angeles Esteban, agpada a Personnel/Staff  iti HRMO-LGU Cabugao.

Dagiti met nagserbi iti Professional Regulations Commission (PRC) Staff ket isuda Wayne B. Crispin, Chief (Registration Section); Marlon A. Aquino, Staff Assistant (License Division); Nino Emmanuelle A. Celeste, Staff Assistant (Regulations Division); Lea D. Manzon, Staff Assistant, (Finance and Administrative Division); Micah Ezrah DJ. Cunanan, Staff Assistant (Regulations Division); ken ni Richell A. Garcia, Staff Assistant, (Licensure Division).
Dadduma pay nga impormasion a kayat nga ammuen ket ag-log on iti PRC Website: prc_baguio.blogspot.com. # (Web In-Action)