Cabugao, Ilocos Sur –Maibatay iti pakaammo da Dr. Melvin G. Castro, DVM, Municipal Livestock Coordinator ken ni Mr. Mariano Raciles, Presidente, Cabugao Livestock Traders Association
a kaaduan nga animales a maparti/magatang ken maisukat kas iti nuang ken baka ket maaramid nga umuna iti transaksion iti uneg ti Dayo. No adda man maiserrek nga aggapu iti ruar ket saanda nga ipalubos ta maisalungasing iti napagtutulagan ti Asosasion.
Innayon ni Mr. Raciles a dagiti saan pay a namarkaan a maiserrek ket mamarkaanda ken kasapulan a mailibro ti resibo a nagbayadanna iti Management iti Dayo.
Kas iti sigud, nabun-as latta dagiti nuang ken baka a nai-Dayo idi Setiembre 6, 2014 ket kaaduan ti nagatang a para-parti ken adda met para-patan-ay babaen kadagiti kameng ti Cabugao Meat Vendors/Butcher’s Association iti NISTC- Public Market, Cabugao, Ilocos Sur.
Napintas met ti pannakausar dagiti puonan iti naituding a pannakabulodna ket sublaten met ti sabali a Trader/Koridor tapno mabenepisiaran ti sapasap a kameng ti Asosasion, segun pay iti Tesorero ti Cabugao Dayo a ni Mr. Rudy Quileza.
Daytoy nga asosasion ket agtultuloy a tartarabayen ti LGU-Cabugao ken iti Gobierno Probinsial a mairaman latta kadagiti programa/proyekto a mailunglungalong para iti pagsayaatan ti industria ti livestock ditoy ili ti Cabugao. # (Web In-Action)
No comments:
Post a Comment