Monday, September 15, 2014

GOV. RYAN KEN PDRRMC, NAGMONITORDA ITI 1ST DISTRICT

Cabugao, Ilocos Sur – Indauluan ni Gov. Ryan Luis V. Singson ti nasaknap a panagbisita ken panagmonitor iti Probinsia ti Ilocos Sur  kabayatan nga adda pay laeng ti pigsa ti “Typhoon Luis” iti Area of Responsibility (AOR) iti masakupan ti Probinsia ti Ilocos Sur.


Iti pannagapu ti grupo ni Gov. Ryan ken ni PDRRMC Chairman Michael Chan iti ili ti Sinait, Ilocos Sur, dimmagas ti grupoda iti ili ti Cabugao, Ilocos Sur ket sinabat ida dagiti kameng ti Municipal Disaster Risk Reduction Management Council nga idauluan da Engr. Nestor B. Somera ken ni Municipal Engineer Crescencio C. Formoso. Nakikaysa met da Vice Mayor Deogracias Jose Victorino H. Savellano, Acting Mayor ken ni MSWD Officer Mrs. Lydia S. Gazmen.

Kabayatanna, impakaammo  ni Engr. Somera nga awan ti nakaro nga insidente a pinataud ti Bagyo Luis ditoy Munisipalidad  kabayatan nga ap-apektaranna ti ili ti Cabugao, Ilocos Sur kas ipalnaad ti pagsignalan No. 3 idi Setiembre 14, 2015 nga idadateng ti Bagyo ken bimmaba iti Signal No. 2 iti agdama iti Ilocos Sur.

Innayon ni Engr. Somera a naideklara ti kaawan ti klase ti amin a benneg ken iti kaawan ti agopisina gapu iti bagyo  maibatay iti pammilin ni Gov. Ryan. # (Web In-Action)

No comments:

Post a Comment