Cabugao, Ilocos Sur – Iti pannakiuman ti Web In-Action iti Setiembre 17, 2014, impakaammo ti Opisina ti Municipal Operation Office (MOO) ti 4 P’s Program, Municipal Link-Cabugao nga agdama nga irakrakurakda dagiti pakabuklan ti programa iti Naurnos a Pamilia kadagiti Barangay a pagnaedan dagiti kameng ti 4 P’s iti Munisipalidad ti Cabugao iti bulan ti Setiembre 2014.
Innayon ni Miss Aida S. Cueto, Municipal 4 P’s Focal Person a makiko-koordinarda latta kadagiti Opisiales ti Barangay/Parent Leaders a katinnulongda a mangorganisar iti Family Development Session (FDS) para iti Topiko nga imitingda kadagiti 4 P’s para iti Setiembre 2014 Family Celebration Month nga agpokus iti panangpatalinaed a naragsak, naurnos ken naprogreso ti Pamilia.
Insupusop ni Mis Jessie Ann O. Tabut, Municipal Link - 4 P’s a napagkaykaysaanda a maysa a Topiko laeng ti binsaenda kadagiti Family Development Session-da tapno epektibo iti evaluation ken assessment a maisayangkat kalpasanna. Nalaklaka pay a maawatan dagiti adalanda a 4 P’s no dagitay kabisadoda a Topiko/Situasion iti maiyad-adal kas parte iti Values Formation ti Programa.
Dagitoy nga aksion ket maigapu iti agtultuloy a panangilungalong ti Gobierno Munisipal iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat iti sapasap a panagrang-ay ken naresponsable nga umili. # (Web In-Action)
No comments:
Post a Comment