Cabugao, Ilocos Sur – Maibatay iti naisubmiter nga Assessed Crop Damage in Rice iti ilalabas ti Bagyo Luis iti Munisipalidad ti Cabugao, imbatad ni Municipal Rice Program Coordinator Nereo S. Daproza, a kalpasan iti nasaknap a panagbisitada kadagiti Agricultural Technologist (ATs) ti DA-LGU Cabugao iti destinoda ket 12 laeng a Barangay ti nakita nga addaan iti apagdillaw (deppes) iti mula a pagay iti pannakaapektarna iti nadakamat a kalamidad idi Setiembre 15, 2014.
Innayon ni Mr. Daproza a kaaduanen ti mula a pagay iti adda iti Maturity Stage a kaaduan ti naimula ket Hybrid Rice Varieties.
Manamnama, segun ken ni Mr. Daproza, a magun-od pay laeng ti makalkalikaguman a kaadu ti maapit no awan la ketdi iti ulitna a nakaro a kalamidad sakbay iti Harvesting Season ita a Wet Season 2014. # (Web In-Action)
No comments:
Post a Comment