KINADALUS TI BATOG TI TIENDAAN, NAMANTENER

Cabugao, Iloscos Sur – Namantener ti kinadalus ti batog ti tiendaan (NISTC Public Market) babaen iti panagtinnulong ti Clean and Green Group nga idauluan ni MENRO-Designate Edgar S. Balangatan ken dagiti pannakabagi ti Barangay Baclig nga idauluan ni Kagawad Arnel A. Ilar, Committee Chair on  Environment.

Innayon ni Kagawad Ilar a regular ti panag-YCAP-da manipud iti sirok ti Osmena Bridge, iti sango ti 2 B Grocery Store agingga iti asideg ti Kambal Hardware ti amianan.
Insupusop pay ni Kagawad Ilar a pagyamyamananda ta naileppas ken mapagnaanen ti paset ti naikalawa ken nakongkreto a parte ti Manila North Road (MNR) iti mabatogan ti Tiendaan (paset ti rehabilitasion ti Kilometer 430+000 agingga iti Km. 435+000)  iti Kalsada Nasional  babaen iti Department of Public Works and Highways (DPWH) ken iti pannakinaming ti LGU-Cabugao, Ilocos Sur iti nadakamat nga Ahensia. # (Web In-Action)