Cabugao, Ilocos Sur – Nasaknap ita ti panangidanon ti Department of Health (DOH) ti LIGTAS SA TIGDAS, Magkaisa-Magpabakuna Program ti Ahensia babaen iti pannakikammayetna iti partner-LGU Cabugao babaen kadagiti Medical Personnel a mapan agbakuna kadagiti barangay (Vaccination Post) tapno naan-anay a maipatungpal daytoy a programa para iti sapasap a salun-at partikular kadagiti ubbing nga agtawen ti 5 nga agpababa (napadasannan ti nagbakuna ken saan ti kamuras).
Ma-avail daytoy a libre-pabakuna ti Kamuras manipud Setiembre 1 - 30, 2014
Innayon ni Mrs. Janet Sison, Public Health Nurse nga adda pay karaman a bakuna para iti Anti-Polio daytoy a gannuat ti DOH-LGU para kadagiti ubbing.
Dagitoy nga aksion ken inisiatiba ket maigapu iti napintas ken agtultuloy a panagkammayet ti Ahensia ti DOH ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno mapakadaan ti sakit ken mamantener ti napintas a salun-at dagiti ubbing iti panagtan-ayda. # (Web In-Action)
No comments:
Post a Comment