FARM BUSINESS SCHOOL, AGTULTULOY A MAADALANDA

Cabugao, Ilocos Sur –Maang-angay ti Session ti Farm Business School  on Vegetable Production iti Pilot Area idiay Barangay Sabang, Cabugao, Ilocos Sur iti kada aldaw ti Mierkoles nangrugi idi Agosto 22, 2014  a pagatendaran dagiti mannalon iti nasao a barangay ken kabangibangna.
Segun ken ni Mrs. Joenah G. Sevilleja, AT, FBS Facilitator, tunggal Mierkoles a kaduana dagiti Staff ti DA-LGU a mapan iti Barangay Sabang tapno angayenda ti Farmers Class maipapan kadagiti nagsasaganad a Session-da kadagiti Vegetable Farmers nga idauluan ni Mr. Armando Azcueta.
Innayon ni Mrs. Sevilleja nga umabot ti 26 a Session ti leppasenda  kadagiti mannalon santo mairingpas ti panagadalda. # (Web In-Action)