Cabugao, Ilocos Sur – Segun ken ni Mr. Edgar S. Balangatan, AT, MENRO-Designate a narugrugianen ti Community Propagation ti Kawayan Seedlings kadagiti barangay a pagnaedan dagiti nag-Training ti Bamboo Production kadagiti 33 a barangay ti ili ti Cabugao, Ilocos Sur itay nabiit.
Innayon ni Mr. Balangatan a kalpasan ti pannakaidemonstrar ti panagpatubo ti Kawayan Seedlings iti Municipal Bamboo Nursery babaen kadagiti pannakabagi ti Philippine Bamboo Foundation nga idauluan ni Mr. Edgardo Manda, Manager, ket determinado dagiti Cabugao Bamboo Trainees a makapatuboda met iti barangayda ket mammaminsanto a maurnong dagitoy ket maidepositoda iti Municipal Bamboo Nursery a pangtingitingan ti maimula ken pakaimulaan dagitoy a Kawayan Seedlings.
Dagitoy nga aksion ken inisiatiba ket maigapu iti naregget a programa ti LGU-Cabugao a mangitandudo ti “One Town-One Product” iti Bamboo Production ti LGU ken ti Gobierno Probinsial para iti pagsayaatan dagiti umili ken dagiti mannalon iti intero a Probinsia ti Ilocos Sur. # (Web In-Action)
No comments:
Post a Comment