Cabugao, Ilocos Sur – Naangay ti Opening Programme iti maikadua iti lima nga aldaw (Disiembre 1-5, 2014) iti 2014 Ilocos Sur Division Sports Competition iti pageskuelaan ti Elementaria ken Sekundaria (Public/Private) iti intero a Probinsia ti Ilocos Sur iti Cabugao District Athletic Oval, Cabugao South Central School, Brgy. Bonifacio, Cabugao, Ilocos Sur a no sadino a ditoy ket nagpartisiparan dagiti napili nga Atleta a mangibagi iti tunggal pagadalan ti kada ili, Officiating Officials, Coaches, ken Mangisursuro iti maikadua nga aldaw ti kompetision.
 |
| CLICK HERE TO VIEW MORE PHOTOS |
Immuna a naaramid ti Parada dagiti Delegado iti aglikmut ti Poblasion sakbay a naangay ti panglukat a programa iti School Stage ti Cabugao South Central School.
Kalpasan ti Opening Prayer, tinokar ti Virgen Milgrosa University Foundation, San Carlos City, Pangasinan (Drum and Bugle Corps) iti Philippine National Anthem.
Nagsarita ni Mayor Edgardo “Ediboy” S. Cobangbang, Jr. iti imatang dagiti Opisiales ti Sports iti DepED-Ilocos Sur, Atleta, Mangisursuro, Bisita, ken nagbuya nga umili iti Athletic Oval.
Kimmablaaw ken nagyaman ti Ama ti Ili iti panag-Host ti ili a Cabugao ken iti naurnos a pannakaisagana iti pakaangayan daytoy a pasalip ti DepED ita a tawen. Dinakamatna ti panangkomplementar ti Gobierno Lokal ken iti Gobierno Probinsial iti programa ti Sports kadagiti agad-adal tapno maipromot daytoy a tay-ak ti paglaingan a mainayon a manghulma kadagiti ubbing ken agtutubo nga agbalin a nalaing nga agad-adal ken mapangnamnamaan nga umili.
 |
| CLICK HERE TO VIEW MORE PHOTOS |
Innayon ni Mayor Ediboy nga iti panangidur-as ti programa ti Sports ket sangsangkamaysa a pagbibinnadangan dagiti maseknan a sektor iti pageskuelaan ken LGU’s ket ania man a kapanunotan a mailungalongda a mangpasayaat pay iti pakaseknan iti benneg ti sports ket awan sabali a maisagut no di iti para iti pagsayaatan dagiti pageskuelaan ken agad-adal ken iti sapasap.
Nagsarita met ni Mr. Meneleo Palma, CSEE, Education Program Supervisor 1, MAPEH ken PESS Division Coordinator. Pinagyamanan ni Mr. Palma iti agtultuloy a suporta ti LGU-Cabugao nga idauluan ni Mayor Edgardo “Ediboy” S. Cobangbang, Jr. kasta metten iti Gobierno Probinsial nga idauluan da Governor Ryan Luis V. Singson ken ni Vice Governor DV Savellano iti pannakaaramid ken pannakaisagana ti napintas nga Athletic Oval. Impaay ti DepED Official ti palagip kadagiti Officiating Officials ken Coaches para iti paay-ayamda.
 |
| CLICK HERE TO VIEW MORE PHOTOS |
Kinablaawan pay ni Mr. Palma dagiti Delegado a mangibagi iti tunggal ili manipud Unit 1 agingga iti Unit V.
Kalpasan ti Intermission Number ti Cabugao Tarnaw Dancers, naaramid ti Raising of Athletic Banners ket nagdanggay da SP Member Christian “Basi” Purisima ken ni OIC Assistant Schools Division Superintendent Anselmo Aludino a nangibagi kada Gov. Ryan Luis V. Singson ken ni Mr. Jorge M. Reinante, CSEE, CEO V, Schools Division Superintendent kas panagsaganadda.
Kagiddan itoy, naisa met ti bandera dagiti Unit Flags babaen kadagiti Chairmen ken PESS Coordinator ti tunggal Unit.
Naisaruno ti pannakaibasa ti Oath of Amateurism babaen ken ni Nelliam Nerona, Unit 1 Athlete ken ti Officiating Officials Oath babaen ken ni Mr. Delfin Llagas, Chairman, Unit II.
Naaramid ti Lighting of the Friendship Urn babaen kadagiti Cabugao Football Players.
Naisaruno ti panangyam-ammo ni Mr. Anselmo Aludino, OIC Assistant Schools Division Superintendent ti Guest of Honor & Speaker.
 |
| CLICK HERE TO VIEW MORE PHOTOS |
Imbagian ni Bokal Christian “Basi” Purisima ni Gov. Ryan V. Singson ket imbasana iti napnuan-kaipapanan a Mensahe ti Gobernador kadagiti amin a naitallaong iti dayta a gundaway.
Ni Mr. Anselmo Aludino, OIC Assistant Schools Division Superintendent ti nangibagi iti Division Superintendent iti pormal a pannakalukat iti 2014 Provincial Athletic Meet.
Pinadaeg ti Exhibition nga impamatmat dagiti kameng ti Virgen Milgrosa University Foundation, San Carlos City, Pangasinan (Drum and Bugle Corps) iti taraudi a parte ti programa. # (Web In-Action)
 |
| CLICK HERE TO VIEW MORE PHOTOS |
No comments:
Post a Comment