Thursday, December 11, 2014

PAYAO PROJECT, SUPORTARAN TI TRADISIONAL A KALAP

Cabugao, Ilocos Sur – Manipud maipakpakatdan iti baybay ket pagnumnumaran dagiti Benepisiario a mangngalap ti kita wenno produksion ti Payao Project-da a dagitoy a proyekto nga impaay ni Governor Ryan Luis V. Singson babaen iti panangilungalong ti Gobierno Munisipal nga idauluan ni Mayor Edgardo “Ediboy” S. Cobangbang, Jr. 

Segun ken ni Mrs. Milagros R. Paz, Municipal Fisheries Coordinator ket kako-koordinarna dagiti asosasion ti mangngalap iti pakaseknan iti pagdurdur-asan dagiti Payao Project nga inasistiran ti LGU-Cabugao iti pannakaited kadagiti mangngalap  manipud iti Gobierno Probinsial. 

Innayon ni Mrs. Paz a no kadawel ti baybay ket maakas dagiti Payao ket tingitingenda ti panawen no agipakatda manen tapno saan a mayanud ti ramitda. Mabalin met a sumuporta dagiti tradisional a pagkalapda iti ababaw a paset ti baybay ta epektibo dagitoy a mangnayon iti masapulan ken mangnayon ti inaldaw a pagbiagda.

Dagitoy a pagimbagan ket  nagubuay  babaen iti  panangikalikagum  ti Gobierno Munisipal nga idauluan ni Mayor Edgardo “Ediboy” S. Cobangbang, Jr. a mangtulong kadagiti mangngalap babaen iti pannakailungalong  dagiti proyekto a maited kadakuada manipud  iti Gobierno Probinsial para iti agtultuloy a pagsayaatan dagiti mangngalap iti ili ti Cabugao, Ilocos Sur. # (Web In-Action)

No comments:

Post a Comment