Cabugao, Ilocos Sur – Paset ti pannakikammayet ti LGU-Cabugao iti programa ti Gobierno Probinsial a TAGIBIKA Program (Integrated Coastal Management), naideliber dagiti 400 Coconut Seedlings kadagiti disso ti Coastal Barangay kas iti sumaganad: Barangay Dardarat – 100 Coconut Seedlings; Barangay Sabang – 100 Coconut Seedlings; Barangay Pug-os – 100 Coconut Seedlings; ken Barangay Namruangan – 100 Coconut Seedlings.
Segun ken ni MENRO Edgar S. Balangatan, AT, a dagitoy a disso a pagmulaan ti niog ket nakategoria a Tourism Area ken Daklisan Area.
Dagiti mangipatungpal ken mabenepisiaran kadaytoy a gannuat ket dagiti Lumugar, Barangay Council, NGO’s, Fishermen, 4 P’s, Farmers ken dagiti RIC Members, segun ken ni MENRO Balangatan.
Dagitoy met a Seedlings ket impaay ni Governor Ryan Luis V. Singson iti LGU-Cabugao itay nabiit ken paset ti inisiatiba nga inlungalong ni Mayor Edgardo “Ediboy” S. Cobangbang, Jr. a pangsustener ti programa ti TAGIBIKA Program iti Munisipalidad ti Cabugao, Ilocos Sur. # (Web In-Action)
No comments:
Post a Comment