ALS, 63 TI NAGEKSAMEN IDI DISIEMBRE 7, 2014

Cabugao, Ilocos Sur – Segun ken ni Mr. Warren Sumibcay, ALS Mobile Teacher, Cabugao South Central School nga  adda 63  nga estudiante a kinaduana a  nageksamen iti Alternative Learning System (ALS) Final Examination  a naangay idi Disiembre 7, 2014 idiay  Sto. Domingo North Central School, Sto. Domingo, Ilocos Sur para iti School Year 2014 - 2015.

Sakbayna, 75 ti bilang dagiti agbasbasa ti ALS a pakairamanan dagiti re-enrolees a saan a nakapasa iti eksamen a naaramid iti napalabas a tawen ken naggapuda  iti nadumaduma a barangay iti ili ti  Cabugao, Ilocos Sur.

Mangnamnama ni Mr. Sumibcay a babaen iti agtultuloy a suporta ti DepED ken ti  Gobierno Munisipal kadagiti programa ti Alternative Learning System (ALS) ket maidur-as daytoy a sistema ti edukasion iti Cabugao, Ilocos Sur. # (Web In-Action)