Tuesday, December 30, 2014

RIZAL BARANGAY FIESTA, NASELEBRARAN TI DUA NGA ALDAW

Cabugao, Ilocos Sur – Naselebraran ti panagpiesta ti Barangay Rizal, Cabugao, Ilocos Sur idi Disiembre 29-30, 2014 kas panglagip ti kinatan-ok ti Nailian a Bannuar a nakaipanaganan ti nadakamat a barangay ti Poblasion.

Iti karabiyan ti Disiembre 29, 2014, naaramid ti NISTC DCC Coronation Rites iti Cabugao Cultural & Sports Complex a nangpangayed ti Piesta. Welcome Address ti impaay ni Kagawad_Benigno Piros.

Kimmablaaw ken nabara ti panangawis ti Kagawad  iti amin a timmabuno a makipagrambak iti Piesta ti Barangay Rizal.

Kinoronaan da Mayor Edgardo “Ediboy” S. Cobangbang, Jr.  ken ni SBM Dr. Jemaima Tan-Yee ni His Royal Highness Licolne Caesar Esteban 1ST ke

n da met Vice Mayor DJ Savellano ken ni SBM Josefina S. Vallejo ti nagasmang a  nangkorona ken ni Her Majesty Queen Michaella Joy Abella 1st.

Nangipaay ni Mayor Edgardo “Ediboy” S. Cobangbang, Jr. ti Inspirational Message ket nabara ti panangkablaawna kadagiti amin a nakipiesta a pakairamanan dagiti Opisiales ti ili, bumarangay ti Rizal ken kabangibangna, Bisita, Balikbayans, Barangay Officials ti Rizal nga idauluan ni Brgy. Captain Thaddeus “Teddy” U. Soller, Kakapitanes ti kabangibangda a barangay a nakipagselebrar.

Dinayaw ni Mayor Ediboy ti maiduma a kinaragsak ken kinaurnos ti panagpiesta ti Barangay Rizal a maibilang a pannakasentro ti ili a Cabugao ken kasta met  ti agtultuloy a panagdur-as ti barangay.

Nangited met ti Mensahe ni Vice Mayor DJ Savellano. Ayat ken panagkaykaysa ita a Paskua ti anag ti mensahe ti Bise Mayor.

Naitarapnos iti pannakaited dagiti Sash, Boquet, Lei ken Trophy kadagiti pito a Prinsipe ken Prinsesa a nangbayabay kadagiti Ari ken Reyna. 

Inakem dagiti nagannak, Opisiales ti Sangguniang Bayan, Barangay Captains ken Balikbayans iti pannakaiyawat dagitoy a pammadayaw kadagiti ubbing.

Kalpasan dasgiti Intermission Number ti RIC, Senior Citizen ken ti Barangay Council, nag-Closing Remarks ni Kagawad Ernesto Cobangbang. Nagyaman ti Kagawad iti amin a nagpartisipar ken namagbalin ti Barangay Piesta a naballigi ken naragsak. 

Kabigatan ti Disiembre 30, 2014, naangay ti Thanksgiving Mass babaen iti panangannong ni Rev. Fr. Felix A. Costales iti sango ti Barangay Hall ti Barangay Rizal. Kalpasanna, naaramid ti Floral Offering iti sango ti Monumento ni Dr. Jose P. Rizal.

Nakikaysa iti selebrasion ti Piesta da SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Josefina S. Vallejo; SBM Jayhan Alcid Tan; SBM Atty. Bryann Jett S. Pano ken ni ABC President Brgy. Captain Thaddeus “Teddy” U. Soller. 

Nagpaay nga Emcee ni Mr. Rudy Ilar, Day Care Teacher ti NISTC DCC. # (Web In-Action)

No comments:

Post a Comment