Cabugao, Ilocos Sur – Naangay ti pannakaselebrar ti X’mas Program 2014, ti Cabugao North Central School iti Disiembre 17, 2014 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti ubbing nga agad-adal, mangisursuro, nagannak, bisita, PTA Officials ken Municipal Officials nga idauluan ni Mayor Edgardo “Ediboy” S. Cobangbang, Jr.
Panglukat a sarita ti impaay ni PTA President Armando Azcueta. Kimmablaaw ken nagyaman ta nadanonan manen ti panagrambak ti sangkataw-an iti pannakaipasngay ti Naindaklan a Mannubbot.
Naiballaet dagiti Intermission Number (kanta ken sala) manipud kadagiti Grade Levels. Naaramid pay ti Community Singing.
Nag-mensahe ni SBM Dr. Jemaima S. Tan-Yee, Committee Chair on Education. Kimmablaaw ken dinayawna iti maipakpakita a kinaragsak ti panagselebrar a kangrunaan a napateg a lagipen ken rambakan daytoy a panawen ti Paskua.
Nangipaay ti Mensahe ni Mayor Ediboy ket kimmablaaw ken nagyaman ta napintas ti pannakaisagana daytoy a tinawen a panagselebrar ti Cabugao North Central School iti pannakayanak ti Naindaklan a Mesias. Pinadayawan ni Mayor Ediboy ti kinaregta dagiti ubbing, Teachers, agad-adal ken nagannak/Guardians ta awan ti pangisukatanna iti napintas a timpuyogda iti pageskuelaan ken iti panagkaykaysada a mangpasayaat ti pagadalanda ken pannakikammayetda iti Gobierno Munisipal para iti pagimbagan ti sapasap.
Bininsa ti Ama ti Ili ti pateg ti panangiburay ti Ayat ken Sagut ita a Paskua a kas maysa a napateg ken epektibo a ramit iti panangtun-oy ti nakaysa a kagimongan nga umili ti Cabugao, Ilocos Sur.
Naipabuya dagiti insagana dagiti iti Grade Levels Presentatation. Naipabuya pay dagiti Mass Dance nga imparangda manipud Kindergarten agingga iti Grade VI.
Nangted met ti Mensahena ni Mrs.Estrellita M. Siruno, Principal II, Cabugao North CS ket bininsana ti pateg ti ayat ken panagsisinnagut ita a panawen ti Paskua.
Closing Remarks ni Mrs. Evangeline U. Seatriz, Master Teacher II iti nasao a pagadalan. Nagyaman iti amin a nagatendar ken iti naballigi a selebrasion ti Paskua 2014 ditoy a pagadalan.
Nakikaysa iti programa da SBM Danny Q. Gazmen; SBM Benedicto M. Savellano; SBM Vicky S. Serna; SBM Josefina S. Vallejo; SBM Jayhan Alcid Tan; ken ni SBM Atty. Bryann Jett S. Pano. # (Web In-Action)
No comments:
Post a Comment