Cabugao, Ilocos Sur – Naangay ti Christmas Program 2014 ti Cabugao Federated Farmer’s Association nga idauluan ni Mr. Elmer Guerrero Bromeo idiay Barangay Hall, Barangay Salapasap, Cabugao, Ilocos Sur idi Disiembre 19, 2014.
Kangrunaan a nangkulminar iti selebrasion ket iti pannakai-award dagiti Tseke a maipaay kadagiti tallo nga Asosasion ti Mannalon a makasagrap iti Programa pang-Agrikultura iti Munisipio ti Cabugao.
Ni Mayor Edgardo “Ediboy” S. Cobangbang, Jr. a binayabay da Vice Mayor DJ Savellano, SBM Benedicto M. Savellano, ken ni SBM Danny Q. Gazmen iti nangited ti Tseke kadagiti dadaulo ti nadakamat nga Asosasion iti pannakaaramid ti Ceremonial Awarding. Naikkan ti Soft Loan iti Quezon Farmers Association iti P35,000; sag-P20,000 met ti Reppa-ac FA ken Alina-ay FA. Inimatangan dagiti dadaulo ti Asosasion dagiti mannalon iti naaramid nga awarding.
Kalpasan ti programa, naaramid ti salu-salo a nakasagrapan kadagiti naisagana a pagtaraon a paset ti panagselebrar ti Pederasion iti pannakayanak ti Naindaklan a Mannubbot. # (Web In-Action)
No comments:
Post a Comment