Nagseminar itay nabiit dagiti meat inspectors manipud nadumaduma nga ili ditoy probinsia iti food hygienic and slaughtering practices.
Mismo a dagiti empleado ti Regional Meat Inspection Services ti nagpaay a resource persons iti tallo nga aldaw a seminar.
Segun ken ni Bokal Pablito Sanidad, Jr., napapanawen ti pannakaangay ti nasao a seminar ta nabukelen ti Provincial Meat Inspection Services babaen ti pinutarna a linteg.
Kinuna ti bokal a kasapulan nga addaanen iti meat inspector dagiti amin nga ili nga addaan iti slaughterhouse.
Kinuna ti bokal a rationale ti pannakaputar ti PMIS ti kaadda dagiti botcha a nailibas a naiserrek iti probinsia iti napalabas a natiliw sadiay Sto. Domingo ngem adu dagiti napukaw a mapapati a nailako ken naaramid a bagnet wenno longganisa.
Sakup ti provincial veterinary office ti pannakabantay ti kalidad ti karne a sumsumrek iti probinsia ken mailaklako iti probinsia. # (Adapted, Tawidnews)
No comments:
Post a Comment