Thursday, December 18, 2014

MISA PARBANGON, RAMBAK PASKUA 2014

Cabugao, Ilocos Sur – Maangay met ti Misa-Parbangon  mangrugi ti Disiembre 16-24, 2014 iti 4:00 AM  ket nayeskediul nga aramiden ti  9 a Clusters dagiti deboto ti agsindi ti 

kandela/agkararag  manipud iti 33 a barangay a pagnaedan dagiti deboto. Maaramid ti nasao a Misa iti Simbaan Katoliko ditoy Poblasion ti Cabugao.

Iti sabali a bangir, umarngi met laeng ti aramiden dagiti Deboto ti Iglesia Filipina Independiente (IFI Church) iti Barangay Quezon, Cabugao a kas pangipalnaad iti pannakikaysada iti nasaknap a selebrasion iti pannakayanak ti Mesias.

Maaramidto pay dagiti Misa iti Rambak Kaaldawan Paskua iti Disiembre 24 ken 25 idinto ta Rambak Baro a Tawen inton Disiembre 31  ken Enero 1, 2015.

Iti Parokia ni San Markos Ebanghelista ti ili a Cabugao, Ilocos Sur, maibilang ita a Tawen (2014-2015)  a “Year of the Poor” babaen iti Tema: “Aramidentayo ti Nalinteg, Ipakitatayo ti di agbalbaliw a panagayat”: Micah 6,8. #  (Web Situational Report)

No comments:

Post a Comment