Cabugao, Ilocos Sur –Agtultuloy ti transaksion a naaramid iti Cabugao Dayo sakbay ken iti selebrasion ti Paskua 2014. Idi Disiembre 20 ken Disiembre 27, 2014 a kaaldawan ti Cabugao Dayo, maibatay iti rekord ni Dr. Melvyn G. Castro, DVM, Municipal Livestock Inspector, adda met latta immay nagidayo ti nuang ken baka agraman dagiti malako a kalding ken burias iti Cabugao Dayo. 
Nupay kasta, aginaldaw ti pannakakilo dagiti maparti a baboy iti Municipal Slaughterhouse maigapu iti panagkasapulan ti adu a suplay ti karne para kadagiti konsumidores iti napaut a Holiday Season.
Insupusop ni Dr. Castro nga agtultuloy ti transaksion ken napintas a panagoperar ti Cabugao Dayo a pakabenepisiaran met ti sapasap iti pagimbagan nga ipaay ti serbisioda.
Kabayatanna, naaramid ti salu-salo nga insagana ni Mr. Rudy Quileza para kadagiti kamkameng ti Cabugao Livestock and Traders Association kas pangrambakda metten ti Paskua 2014. # (Web In-Action)
No comments:
Post a Comment