Cabugao, Ilocos Sur – Naipaayan ti Extended Aid to Individual in Crisis Situation (Ex-AICS) a programa ti DSWD-Region 1 ken ti LGU-Cabugao para iti 8 a maseknan nga umili nga agnanaed iti nadumaduma a barangay ti ili a Cabugao, Ilocos Sur itay nabiit.
Naaramid ti turn-over daytoy a tulong ket binayabay dagiti kameng ti Konseho Munisipal ni Mayor Edgardo “Ediboy” S. Cobangbang, Jr. a nangiyawat kadagiti maseknan a Recipients itay nabiit iti Opisina ti Municipal Mayor iti Cabugao Municipal Hall babaen iti Tseke nga aggatad ti P86,000.
Dagiti maseknan a naikkan iti tulong: Victoria Peri Serna, Daclapan; Grace S. Solima, Salapasap; Rogelio Siruno, Cuancabal; Miravel Erise, Cacadiran; Patricio Valerio Soto, Turod; Veronico Piedad, Sagayaden; Rose Ann Lasam, Cuancabal; ken Hingina Manuel, Aragan.
Inimatangan met dagiti Municipal Officials ti nadakamat a Turnover a kas kada Vice Mayor DJ Savellano, SBM Danny Q. Gazmen; SBM Dr. Jemaima S. Tan-Yee; SBM Benedicto M. Savellano; SBM Josefina S. Vallejo kasta met da MSWD Officer Mrs. Lydia S. Gazmen ken ni Mrs. Leonora G. Reintar, MSWD Assistant.
Dagitoy a naited a tulong ket maaramatda iti emerhensia a pakasapulan a kas pang-Medical ken kanaigna a pakaseknan ken nakaawatda a maibasar iti National Household Targeting System nga inwayat ti DSWD iti kallabes a Tawen. # (Web In-Action)
No comments:
Post a Comment