Cabugao, Ilocos Sur – Naangay met ti Christmas Program 2014 ti Cabugao South Central School iti Disiembre 18, 2014.
Naangay ti panagselebrar iti School Stage & Open Auditorium ket agparis nga ubbing (lalaki ken babai) ti nag-Emcee kabayatan a tartarabayen met dagiti mangisursuro iti pannakaiturong dagiti aktibidad.
Kangrunaan a naipabuya ket ti “The Nativity” a pannakaidrama ti pannakaipasngay iti Mannubbot iti nanumo a Kulluong nga imparang dagiti ubbing iti nadumaduma a Grado.
Kalpasanna, nagpabuya ti kada tukad manipud Kindergarten agingga iti Grade VI (sala ken chorus).
Naregget a nagpartisipar dagiti ubbing a tinarabay met dagiti mangisursuro ken nagannak, sangaili ken Opisiales ti PTA iti nasao a pagadalan.
Ayat, panagsisinnagut, ken panagsisinninged ti bugas ti Mensahe ni Mrs. Melvie S. Sajonia, Principal II iti nasao a pagadalan nga imbasa ni Mrs. Annabel Ancheta, Maestra iti nasao a pageskuelaan.
Naaramid met ti Exchange Gift dagiti ubbing iti tunggal Classroom kabayatan a napagsasanguanda dagiti naisagana a makan a nayon a pangparambakda iti selebrasion ti Paskua 2014. # (Web In-Action)
No comments:
Post a Comment