Cabugao, Ilocos Sur – Naangay ti pannakaselebrar ti 25th PRESBYTERAL ORDINATION ANNIVERSARY ni Reverend Father Felix Arrieta Costales, Kura Paroko iti Parish of St. Mark the Evangelist, Cabugao Catholic Church idi Disiembre 22, 2014 iti Cabugao Cultural and Sports Complex, Brgy. Rizal, Cabugao, Ilocos Sur a no sadino a ditoy ket dinar-ayan dagiti kakabagian, gagayyem, am-ammo, Parishioners ken Opisiales ti Gobierno Lokal daytoy a panagselebrar ti Silver Anniversary.
Iti nasao a selebrasion, nagtokar ti Marching Band kabayatan ti iseserrek ni Fr. Felix A. Costales iti Sports Complex. Nag-Words of Welcome ni Ms. Lorna Salom ket inawisna ti pannakikaysada iti naragsak a selebrasion ti Silver Anniversary ti Kura Paroko.
Panglukat a kararag ti inakem ni Rev. Fr. Marcelo Cantorna, Parish Priest iti Ordination ni Fr. Felix.
Nangipaay ti Mensahe ni Mayor Edgardo “Ediboy” S. Cobangbang, Jr. ket kimmablaaw ken nagyaman iti amin a nagatendar. Nangted met iti Congratulatory Message ti Ama ti Ili ken ni Father Felix.
Song Number ti inruknoy ni Mr. Leonard Oani, Classmate ni Fr. Felix iti Minor Seminary.
Nangipaay met iti Mensahe ni Mr. Rudy Costales, Kabsat ni Fr. Felix. Agtultuloy a panagyaman ken ayat ti anag ti Mensahe ti kabsatna.
Naisaruno a nabendisionan dagiti naisagana a pagtaraon ken naaramid ti distribution ti giveaways kalpasanna.
Nabuya iti Video Presentation ken kamaudiananna, nangipaay ti Mensahe iti Pagyaman ken Ayat ni Rev. Fr. Felix A. Costales para iti kaaduan. # (Web In-Action)
No comments:
Post a Comment