CHRISTMAS PROGRAM 2014, TI LGU-CABUGAO, NARAGSAK KEN NABALLIGI!

Cabugao, Ilocos Sur – Naangay ti pannakaselebrar ti X’mas Program 2014 ti Local Government Unit (LGU-  Cabugao) iti  Disiembre 23, 2014 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti Empleado, Bisita, ken Municipal Officials nga idauluan ni Mayor Edgardo “Ediboy” S. Cobangbang, Jr. 

Sakbayna, naaramid dagiti Parlor Games a nakagun-odan dagiti nangabak a Team iti agkakapateg a Premio manipud iti LGU-Cabugao.

Kalpasanna, naaramid ti Team Presentations iti uppat a Team. Nabunot ti 5 a Raffle Draw a sag-P100 ti Premiona babaen ken ni Vice Mayor DJ Savellano. Nangted met ni Vice Mayor DJ Savellano iti Mensahena ita a Paskua 2014.

Nagperform ti Mocha Team sa nabunot ti 5 a Raffle. Simmaruno ti White Team; Yellow Team ken Blue Team a nagperform. Naaramid ti 3 a bunot ti  Raffle babaen ken ni Mayor Ediboy. 

Nag-mensahe ni Mayor Edgardo “Ediboy” S. Cobangbang, Jr.  Kimmablaaw, nagyaman  ken dinayawna iti maipakpakita a kinaragsak ti  panagselebrar a   kangrunaan a napateg a lagipen ken rambakan daytoy a panawen ti Paskua.

Nagyaman ti Ama ti Ili iti pannakaisagana daytoy a tinawen a panagselebrar ket awan ti pangisukatanna iti napintas a timpuyog ken panagkaykaysa dagiti mangbukel iti Gobierno Munisipal ti Cabugao.

Bininsa ti Ama ti Ili ti pateg ti panangiburay ti Ayat ken Sagut ita a Paskua a kas maysa a napateg ken epektibo a ramit iti panangtun-oy ti agtultuloy a nakaysa a kagimongan nga umili ti Cabugao, Ilocos Sur.

Naisaruno ti panagbunot ni Vice Mayor DJ Savellano iti 10 a sag-P500 ti premiona. 

Kamaudianan ti programa ti pannakaiwaragawag dagiti nangabak a Team iti presentasion. Nayanunsio a nangabakda amin ket innala dagiti dadaulo ti Team  ti premioda ken ni Mayor Ediboy.

Nakikaysa iti selebrasion da Mrs. Jerlie Seguban-Cobangbang; SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Dodgie Santella, SBM Josefina S. Vallejo; SBM Jayhan Alcid Tan; SBM Atty. Bryann Jett S. Pano ken ni ABC President Brgy. Captain Thaddeus “Teddy” U. Soller.  # (Web In-Action)