Cabugao, Ilocos Sur – Iti maikapat nga aldaw (Disiembre 5, 2014) a pannakaaramid dagiti Games iti 2014 Ilocos Sur Division Sports Competition ket naregget ti risiris dagiti Team a nakaeskediul iti salip ti lima a Unit (Unit 1 to Unit V) a mangbukel iti 32 a Munisipalidad ti Ilocos Sur.
Pinaneknekan ti Unit 1 a mangbukel kadagiti napili nga Atleta a nakirisiris a naggapu iti ili ti Cabugao, Sinait, San Juan ken Magsingal a saanda a pinadominaran kadagiti dadduma a Unit Team.
Kamalmanna iti Disiembre 5, 2014, naaramid ti simple nga Awarding Ceremony kadagiti nangabak a Team iti School Stage ti Cabugao South Central School. Ni Mr. Meneleo Palma, DepED Division Sports Coordinator ti nagiyawat ti tropeo kadagiti nangabak.
Iti kategoria ti Elementaria a nakaibilangan ti Cabugao DepED District, Champion ti Elementary Level iti Unit 1 a buklen dagiti umaayam a naggapu iti ili ti Sinait, Cabugao, San Juan ken Magsingal.
Maibatay iti Official Result nga inted ni PESS District Sports Coordinator Mr. Ronel M. Ubaldo ket dagiti sumaganad ti dadduma nga event a nagkampeonan ti Unit 1 (Elementary Level):
Athletics Girls Elementary -1st Place; Baseball Elementary – 1st Place; Volleyball Boys Elementary – 1st Place; Sipa Elementary – 1st Place; Table Tennis Girls Elementary – 1st Place; Taekwondo Boys Elementary –1st Place; Taekwondo Girls Elementary – 1st Place; Athletics Boys Elementary - 2nd Place; Softball Elementary – 2nd Place; ken Table Tennis Boys Elementary – 2nd Place. # (Web In-Action)
No comments:
Post a Comment