Cabugao, Ilocos Sur – Nai-turnover dagiti Laminated Sacks ken Drying Nets nga inted ti Department of Agriculture (DA)-Regional Field Office (RFO) 1, San Fernando City, La Union kadagiti 35 nga Asosasion dagiti Mannalon iti ili a Cabugao, Ilocos Sur iti Disiembre 3, 2014.
Naiwaras iti mabatayan a bilang ti ramit ti tunggal Asosasion babaen kadagiti Presidente-da iti panangiyawat ni SBM Benedicto M. Savellano, Committee Chair on Agriculture, Fisheries and Cooperatives ti Sangguniang Bayan a binayabay da SBM Atty. Bryann Jett S. Pano ken ni SBM Josefina S. Vallejo iti sango ti Munisipio.
Nakikaysa met iti nasao a distribusion ni Mr. Nathaniel B. Galamgam, Municipal Farmers Association Coordinator.
Dagitoy a mainayon a pagsayaatan dagiti mannalon ket gubuay iti agtultuloy ken napintas a panagkammayet ti DA-RFO 1 ken ti LGU-Cabugao nga idauluan ni Mayor Edgardo “Ediboy” S. Cobangbang, Jr. # (Web In-Action)
No comments:
Post a Comment