Tuesday, December 9, 2014

MDRRMC, NAKIGAMULODA ITI PASAMAK DITOY CABUGAO

Cabugao, Ilocos Sur – Segun ken ni Engr. Nestor B. Somera, MDRRMC Officer ti LGU-Cabugao a patinayon a makikoordinarda agraman dagiti  miembros ti MDRRMC-LGU Cabugao  kadagiti maang-angay a dadakkel nga aktibidad/pagteng  a kas iti sumaganad: 

1.Nakipagtamingda iti naannayas a pannakaaywan ti pakaseknan ti Medical ken First Aid/dadduma a trabaho a pakaseknan ti pasalip kadagiti nagay-ayam nga Atleta iti naangay nga 2014 Ilocos Sur Division Athletic Sports Competition idi Disiembre 1-5, 2014 idiay Cabugao District Athletic Oval, Cabugao South Central School, Cabugao, Ilocos Sur.

2. Nagalertoda iti isusungad ti Bagyo Ruby ket nagreportda iti Opisina ti MDRRMC-Operation Center, Municipal Building, Cabugao, Ilocos Sur manipud iti Disiembre 5-8, 2015 agingga a  saan pay a nakaruar ti nasao a bagyo iti teritorio ti pagilian ti Pilipinas.

Innayon ni Engr. Somera nga iti panangmonmonitorda ti nasao a bagyo iti Project Noah-DOST (Internet) ket agbaliwbaliw ti garaw ken turongen ti “Bagyo Ruby” ket banag a rason nga agaktuarda nangruna iti WASAR Team.

Dagitoy nga aksion ken insiatiba ket resulta iti naannayas a pannakaipatungpal dagiti maitutop  nga aksion ti MDRRMC-WASAR no sumungad, kabayatan ken malpas ti kalamidad. 

Ti MDRRMC-Cabugao ket idadauluan ni Mayor Edgardo “Ediboy” S. Cobangbang, Jr.  a kas Chairperson. # (Web In-Action)

No comments:

Post a Comment