Cabugao, Ilocos Sur – Narambak ti panagselebrar dagiti umili ti Cabugao, Ilocos Sur iti Paskua 2014 partikular dagiti Aldaw ti Disiembre 24 ken 25, 2014 a kangrunaan a maselselebraran babaen iti sapasap a panagrambak iti nagduduma nga aktibidades kas iti panag-reunion, panagtitipon/panagiinniliw dagiti agkakabagian, panagpasiar iti sabali a lugar, panagpiknik kadagiti beaches ken resorts iti ili ken dadduma pay a kaarngina a situasion a mangipaduyakyak iti nadigem a panangselebrar ti tradision ti Paskua a pannakaipasngay ti Mannubbot ti Sangkataw-an.
 |
| Adoration of the Shepherds by Gerard van Honthorst depicts the nativity of Jesus |
Idi malem ti Disiembre 23, 2014, narambakan ti Christmas Program ti Pamilia-LGU ti Cabugao babaen iti panagrambak/panaglalanglang dagiti empleado ken Opisiales ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti Cabugao Cultural and Sports Complex, Brgy. Rizal, Cabugao, Ilocos Sur.
Kabayatanna, iti “Rambak Kaaldawan Paskua” nga ingannuat ti Cabugao Catholic Church ket nakulminar babaen iti “Misa Rabii” (Midnight Mass) babaen iti panangidaulo ti LGU Cabugao ken ti Parish Pastoral Council.
Iti Disiembre 25, 2013 a “Kaaldawan ti Paskua”, naangay ti Misa iti 6:30 A.M. nga indauluan ti Apostleship of Prayer, Mother Butler’s Mission Guild ken ti Brgy. Turod idinto nga indauluan met ti Parish Finance Council, Religious Organizations ken ti Brgy. Alina-ay iti simmaganad pay a Misa.
Kanaig daytoy, maibatay iti rekord ti Municipal Police Station-Cabugao, imbatad dagiti Pannakabagi ti Linteg nga awan ti nakaro a didigra a napaspasamak kadagiti barangay ken iti Poblasion ket natalinaay ken naragsak ti panagselebrar iti Paskua 2014 iti intero a Munisipalidad ti Cabugao. # (Web Situational Report)
No comments:
Post a Comment