Cabugao, Ilocos Sur – Iti maikadua nga aldaw (Disiembre 3, 2014) a pannakaaramid dagiti Games iti 2014 Ilocos Sur Division Sports Competition ket naregget ti salisal dagiti Team a nakaeskediul iti salip ti lima a Unit (Unit 1 to Unit V) a mangbukel iti 32 a Munisipalidad ti Ilocos Sur idi Disiembre 3, 2014. babaen iti pannakausar dagiti pasilidad ti Sports iti Cabugao District Athletic Oval (Freedom Park), Social Hall ti Cabugao South Central School, Covered Court ti Barangay Bonifacio, Cabugao Central Park (CCP) ken iti Cabugao Cultural and Sports Complex ti Barangay Rizal.
Kabayatanna, aktibo latta met a nakigamulo iti pay-ayam dagiti Opisiales/Kameng a mangbukel iti Cabugao Steering Committee a buklen dagiti nadutokan nga Empleado ti LGU-Cabugao a nakinaming/tumulong iti panagannayas iti unos ti lima nga aldaw (Disiembre 1-5, 2014) ken iti Game Proper a maar-aramid iti Provincial Meet 2014 ditoy Cabugao.
Naregget met dagiti pannakabagi ti Clerk of Course/Recorder ken First Aide a buklen dagiti Nurses (RN-Heals), dagiti Ambulansia ti Munisipio a nakadeploy iti game area (Freedom Park). Kabayatan ti pannakaparegta dagiti agbuybuya ket naaramid met ti Registrasion iti Attendance Raffle babaen iti panangpremio da Vice Governor DV Savellano, Mayor Edgardo “Ediboy” S. Cobangbang, Jr. ken ni Vice Mayor DJ Savellano.
Naregta latta met dagiti Announcer/Presentor iti School Stage a mangipakpakaammo iti pagdurdur-asan ti paay-ayam, panangiyanunsio ti panagsagana dagiti sumaruno nga agsalip a Unit ken dagiti nangatiw a Unit Team kalpasanna, panawagan iti pakaseknan ti ay-ayam, dagiti Atleta ken agraman pay dagiti agbuybuya.
Immadu dagiti events a napagay-ayaman iti dayta a petsa a kas iti Basketball (Boys & Girls), Track and Field (Boys & Girls), Baseball, Lawn Tennis, Badminton, Soccer, Volleyball (Boys & Girls), Sepak Takraw (Boys & Girls), Arnis (Boys & Girls), Badminton, Javelin Throw, Shot Put ken Discuss Throw (Boys & Girls). # (Web In-Action)
No comments:
Post a Comment