Cabugao, Ilocos Sur – Naangay ti Christmas Program and Party iti Balay Taripato (Home for the Aged) a masarakan iti Barangay Bonifacio, Cabugao, Ilocos Sur iti Disiembre 19, 2014 a no sadino a ditoy ket nagatendar dagiti nataengan, agtartarabaho iti nasao a pagtarakenan ken kakabagian dagiti nataengan.
Inimatangan dagiti Opisiales ti Gobierno Probinsial nga indauluan ni Governor Ryan Luis V. Singson kasta metten ni Vice Governor DV Savellano.Nakikaysa met iti nasao a panagrambak dagiti nataengan dagiti Municipal Officials ti ili a Cabugao nga idauluan ni Mayor Edgardo “Ediboy” S. Cobangbang, Jr. ken binayabay da Vice Mayor DJ Savellano, SBM Danny Q. Gazmen, SBM Dr. Jemaima S. Tan-Yee, SBM Benedicto M. Savellano ken ni SBM Josefina S. Vallejo.
Sakbayna, naaramid dagiti aktibidad/pakontes a pangrambak ti nasao a programa nga impaay ti Outreach Program ti Chua Consolidated Group of Companies.Nangipaay ti Mensahe ni Governor Ryan ket kimmablaaw ken nagyaman iti Chua Consolidated Group iti panangipaayna iti sponsorship iti panagselebrar dagiti nataengan iti Balay Taripato. Kimmablaaw iti sapasap ti Gobernador iti “Naragsak a Paskua ken Nagasat a Baro a Tawen ti amin.”
Naisaruno ti pannakaiwaras dagiti Payong nga insagut ti Chua Consolidated kadagiti agtartarabaho iti nasao a balay-pagtarakenan agraman kadagiti nataengan (lallakay ken babbaket) nga agdama a maas-asikaso ditoy a pasilidad ti Gobierno Probinsial.
Nakipaset met iti parambak ni PSWD Officer Mr. Ferdinand R. Concepcion manipud iti Kapitolio Probinsial. # (Web In-Action)
No comments:
Post a Comment