Cabugao, Ilocos Sur – Naaramid ti umuna a First Flag Ceremony iti umuna nga aldaw, Hulio 1, 2016 a panagtugaw ni Mayor Josh Edward S. Cobangbang iti Opisinana iti Office of the Mayor iti pasdek ti Munisipio ti ili a Cabugao.
 |
| CLICK HERE TO VIEW MORE PHOTOS |
Nasapa a nagturong ti Municipal Chief Executive iti Munisipio ket naragsak a nakidanggay kadagiti empleado a nangannong iti umuna a pannakaisa ti bandera. Ni Mayor Josh ti nangakem iti pannakaiyebkas ti “Panunumpa ng Kawani ng Gobyerno” kabayatan ti seremonia a sinurot dagiti amin nga empleado ti Munisipio.
Kalpasanna, nagmensahe ni Mayor Josh ket kimmablaaw ken nagyaman iti pannakimaymaysana kadagiti empleado iti umuna nga aldawna iti Opisina ti Mayor.
Innayon ni Mayor Josh a napateg ti pannakaited ti respeto iti pannakaaramid ti seremonia iti pannakaisa ti Bandera. Impeksana ti ragsakna a makipagtrabaho kadagiti empleado ken iti napintas a pannakataming ken pannakaited dagiti serbisio a kasapulan dagiti umili.
Naaramid ti grupo-piktorial ni Mayor Josh kadagiti kameng ken dadaulo ti nadumaduma a Departamento/Seksion ti LGU ken nakikaysa met ni Outgoing Mayor Edgardo “Ediboy” S. Cobangbang, Jr.
Nakiraman met a nakigrupo iti piktorial dagiti kameng ti Konseho Munisipal; kameng ti PNP ken BFP; DepEd Principal-Head Teachers, kameng ti Cabugao Rescue Team; ken Opisiales ti Federated Farmers ti ili a Cabugao. # (Web in-Action)
 |
| CLICK HERE TO VIEW PHOTOS |
No comments:
Post a Comment