Cabugao, Ilocos Sur – Naangay ti miting dagiti Job Order Personnel ti LGU-Cabugao iti Barangay Hall, Barangay Rizal, Cabugao, Ilocos Sur idi Hulio 15, 2016.
Nagatendar ni Mayor Josh Edward S. Cobangbang iti umuna a panagmiting dagiti JOs iti kabarbaro nga Administrasion dagiti Opisiales-Lokal ti ili. Nagatendar da Miss Teresita S. Sison, HRM Officer ken ni Mrs. Edith Z. Galamgam, Staff ti HRMO iti nasao a miting.
Kangrunaan nga anag ti panagsarita ni Mayor Josh Edward ket iti naan-anay koma a pannakaipatungpal iti agtultuloy a pannakapasayaat ti serbisio dagiti Job Order Personnel tapno aramidenda iti trabahoda ken pagrebbenganda maibatay iti pagannurotan nga ituyang ti LGU para kadakuada.
Nakikaysa met ni ABC President Thaddeus U. Soller iti nasao a taripnong. # (Web In-Action)
No comments:
Post a Comment