Cabugao, Ilocos Sur – Naangay ti eleksion ken miting dagiti Day Care Teacher ken dagiti Presidente ti Asosasion ti Day Care iti tunggal barangay idi Hulio 1, 2016 iti Municipal Conference Building, Cabugao, Ilocos Sur.
Naluktan ti reorganizational meeting iti ababa a kararag babaen iti maysa a Day Care Worker sa nagsarita ni Mrs. Lydia S. Gazmen, MSWD Officer ti LGU-Cabugao. Dinakamat ni Mrs. Gazmen ti agtultuloy a panagpartner ti Day Care Worker ken dagiti nagannak a mangitandudo iti pagsayaatan dagiti ub-ubbing.
Imbagana pay nga adda ti MOA ti DepEd ken ti MSWDO nga ag-kinder ti ubing no agtawenen ti 5 agsipud ta 3-4 laengen ti tawenna ti mabalin nga ag-Day Care. Imbagana pay a saan koma a pagkomperaren ti kabaelan ti Day Care Worker iti Kinder Teacher ta adda kabukbukodan dagitoy a module iti panagisuroda.
Nagkaykaysaan pay dagiti nagannak ken Day Care Worker nga agtinnulongda a mangiturong kadagiti ubbing nga agbasa tapno mapadur-as iti kabaelanda nga agadal.
Nagatendar ni Mayor Josh Edward S. Cobangbang iti nadakamat a miting. Kimmablaaw ken nagyaman. Dinayawna iti napintas a panagtunos dagiti nagannak ken mangisursuro. Innayonna a kaikarianda a makomplementaran dagitoy a kinagaget dagiti mangtartarabay iti panagsayaat dagiti ubbing.
Dagiti nabutosan nga Opisiales ti Federated DCPSG ita a tawen 2016 ket dagiti sumaganad:
Presidente – Jonalyn Tabula
Vice President –Teresita Savella
Secretary – Jean Serna
Assistant Secretary – Caeselyn Sardeng
Treasurer – Mary-ann Elepante
Auditor – Kenneth Torres
Business Managers:
Enrique Pablico, Jr.
Elbert Serrano
Jerome Sinampaga
Jenieper Sablay
PIO:
Mildred Tadeja. # (Web In-Action)
No comments:
Post a Comment