Cabugao, Ilocos Sur – Naaramid ti panangannong ti Seremonia ti Kasar ni Mayor Josh Edward S. Cobangbang, Solemnizing Officer, ket naangay ti nadakamat a seremonia iti Opisinana iti Municipal Hall, Cabugao, Ilocos Sur idi Hulio 12, 2016.
Dagiti nadakamat a kinasar ni Mayor Josh Edward ket isuda Mr. Jaymar Arizanga Aquino ti Barangay Turod, Cabugao, Ilocos Sur ken ni Ms. Bernadie Saunil Agasin iti Mayamot, Metro Manila. Kabayatan ti seremonia, inimatangan dagiti ninong ken ninang dagiti nagkasar kasta metten ni Municipal Civil Registrar Ms. Rosario Charity S. Abara.
Sakbayna, naiwayat ti Pre-Marriage Counselling kadagiti maseknan a paris a nangawat ti kasamientoda iti nadakamat a petsa. Naikkanda pay iti dua a Love Tree seedlings nga ited ti Munisipio kadagiti agkasar nga imulada kas sagudayen ti Ordinansa iti Munisipio. # (Web In-Action)
No comments:
Post a Comment