Cabugao, Ilocos Sur – Iti umuna nga aldaw ti panagsanay, nangited ti Briefing ni Mr. Dennis P. Aguimbag, SLP-PDO ti SLP-DSWD maipapan iti pakabuklan ti programa ti SLP iti DSWD ken nailawlawag met ti pagrebbengan nga aramiden dagiti agsanay kabayatan iti training period.
Naglektiur ni Mr. Vic Norman F. Naval, Instructor, College of Teaching Education (CTE), UNP, Vigan City iti umuna ken maikatlo nga aldaw.
Naaramid ti aktual a panagsanay dagiti Trainees babaen iti panangpatakderda iti balabala (plano) ti maysa a pagtaengan iti asideg ti Municipal Hall. Naikkan dagiti Trainees ti materiales ken ramit nga usarenda babaen iti SLP-DSWD iti panagsanayda.
Imbatad ni Mr. Naval nga adda nairanta nga usaren a rimienta dagiti Trainees kabayatan ti Training period idinto ta maikkandanto pay ti 1 set a Tool Kits (brand new) iti tunggal Karpintero apaman a malpasda ti panagadalda. # (Web In-Action)
No comments:
Post a Comment