Cabugao, Ilocos Sur – Kabayatan ti panangatendar ni Mayor Josh Edward S. Cobangbang dagiti pagrebbenganna a Municipal Chief Executive iti Opisinana, mangipapaay met ti panawenna a mapan agbisita kadagiti 33 a barangay ti ili a Cabugao, Ilocos Sur tapno makipulapol kadagiti Opisiales ti Barangay ken lumugar ket maammuanna pay dagiti kasapulan dagiti bumarangay a pagibasaranna iti aramidenna nga aksion ken desision kadagiti maidatagda a pakaseknan.
Imbatad ni Mr. Arvin Manauis, Staff ti Office of the Mayor a sistematiko ti eskediul ti Alkalde Munisipal pakaseknan kadagiti pagrebbenganna iti opisinana iti inaldaw; panagatendarna iti miting; panagbisitana iti barangay ken pannakipasetna iti Sesion ti Konseho Munisipal.
Innayon ni Mr. Manauis a mamati ni Mayor Josh Edward a babaen iti “collaborative learning” ket maidur-asna pay ti kaipapanan ti panagserbi babaen met laeng iti panangadaptarna iti kasasaad dagiti idauluanna. # (Web In-Action)
No comments:
Post a Comment