Cabugao, Ilocos Sur – Naangay ti Turn-over dagiti Equipments kas iti Rolyo ti Hose ken Jetmatic Pumps ken dadduma pay kadagiti Opisiales ken bumarangay ti Barangay Bato nga idauluan ni Punong Barangay Silvino N. Jacob itay nabiit iti Barangay Hall ti nasao a barangay.
Inyallawat ni Mayor Josh Edward S. Cobangbang a binayabay ni SBM Atty. Randy B. Kinaud iti pannakaiyallawat kadagitoy a ramit kadagiti maseknan a lumugar a kaduada dagiti lideresda.
Iti pannakiuman ti Web in-Action ken ni Kapitan Jacob, imbatadna a napateg unay daytoy a nagun-odda manipud iti LGU-Cabugao nga idauluan ni Mayor Josh Edward ket impeksana iti nalaus a panagyamanna ken kadagiti kabarangayanna iti pannakaited kadakuada kadagitoy a ramit a mangpanam-ay ken mangtulong kadagiti kalugaranna iti Barangay Bato.
Innayon pay ti Punong Barangay a mantenerenda a nasayaat dagitoy a naited kadakuada a ramit tapno agtultuloy a mapagtalinaed iti usarda kadakuada a nakaisagutan dagitoy. # (Web In-Action)
No comments:
Post a Comment