Cabugao, Ilocos Sur – Naangay ti Turn-over ti Farm Machinery/Equipment kas iti Kuliglig Hand Tractor with Complete Accessories kadagiti Opisiales ti Cabugao Federated Farmers nga idauluan ni Mr. Elmer Guerrero Bromeo, Presidente iti Hulio 1, 2016 ditoy Munisipio.
Ni Mayor Josh Edward S. Cobangbang ti nangiyallawat ti makinaria kadagiti Presidente ti Pederasion a binayabay dagiti kameng ti Sangguniang Bayan nga isuda SBM Danny Q. Gazmen; SBM Vicky S. Serna; SBM Jayhan Alcid-Tan; SBM Dr. Jemaima S. Tan-Yee; SBM Atty. Bryan Jett S. Pano; SBM Josefina S. Vallejo; SBM Atty. Randy B. Kinaud ken ni ABC President Thaddeus “Teddy” U. Soller.
Iti pannakiuman ti Web in-Action iti Federated President, imbatadna a napateg unay daytoy a nagun-odda iti Pederasion iti umuna nga aldaw a panagopisina ni Mayor Josh Edward S. Cobangbang ket impeksana iti nalaus a panagyamanna iti LGU ken ti DA iti pannakaited kadakuada daytoy a ramit a mangtulong kadakuada a mannalon. Daytoy a proyekto ket nagun-od babaen iti Counterpart Scheme iti Department of Agriculture (DA) ken iti LGU-Cabugao babaen iti Counterparting Scheme (85-15%).
Innayon pay ti Presidente a mantenerenda daytoy a naited kadakuada a ramit tapno agtultuloy a mapagtalinaed iti usarna kadakuada.
Nakikaysa met dagiti Staff ti DA-LGU nga idauluan ni Acting Municipal Agriculturist Robert S. Savella. # (Web In-Action)
No comments:
Post a Comment