Cabugao, Ilocos Sur – Naangay ti panagselebrar dagiti Special Kids iti Stimulation Therapeutic Activity Center wenno STAC-Cabugao, GSCS Compound, Brgy. Bonifacio, Cabugao, Ilocos Sur iti National Disability and Prevention (NDPR) Week idi Hulio 21, 2016 babaen iti Tema: “Karapatan ng Maykapansanan, Isakatuparan…Now Na!.”
Iti naaramid a programa, Doxology ti inaramid ni Ms. Margarita Tobias, PA President idinto ta nag-Welcome Address ni MSWD Officer Mrs. Lydia S. Gazmen.
Trinatar met ni Dr. Bernardino P. De Gracia III, OIC Municipal Health Officer ti maipapan iti Disability Prevention & Rehabilitation.
Nangiburay ti Mensahena ni Mayor Josh Edward S. Cobangbang. Bininsana ti pateg ti panangsuporta ti LGU iti STAC-Cabugao tapno matulonganda a tuman-ay dagitoy nga ubbing iti baet ti agdama a kasasaadda.
Innayonna a daytoy a selebrasion ket napateg a maaramid tapno maibilangda latta met dagiti ubbing nga agad-adal a makipasetda iti sangapagilian a panagselebrar.
Nagatendar met da Vice Mayor DJ Savellano ken ni SBM Atty. Bryan Jett S. Pano, Committee Chair on Health.
Closing Remarks ti inakem ni Ms. Teresa Garcia, PA Treasurer. # (Web In-Action)
No comments:
Post a Comment