Cabugao, Ilocos Sur – Naangay ti umuna a panagmiting ti Municipal Advisory Committee iti bulan ti Hulio 2016 babaen iti kabarbaro nga Administrasion nga idauluan ni Mayor Josh Edward S. Cobangbang ti ili a Cabugao, Ilocos Sur.
Ni Mayor Josh ti nag-Preside iti nasao a miting iti Opisinana a nagatendaran dagiti Staff ti MSWD nga idauluan ni MSWD Officer Mrs. Lydia S. Gazmen; Municipal Operations Office ti 4 Ps; Parent-Leaders ti 4Ps; pannakabagi ti DOH-RHU ken ti DepED idi Hulio 11, 2016.
Kangrunaan a nataming iti nadakamat a miting iti pannaka-update dagiti pakaseknan dagiti 4Ps Beneficiaries agraman iti pagturongan ti programa.
Sakbayna, napadayawan ti LGU-Cabugao pakaseknan iti binulan a pannakaipatungpal daytoy a programa ti DSWD ket immawat ti Certificate of Recognition a nagun-odna manipud iti Department of Social Welfare and Development (DSWD), Regional Office 1 idi Pebrero 18, 2015.
Nagun-od ti LGU-Cabugao ti pammadayaw maigapu iti gapuananda kas nailanad: “Institutionalizing the conduct of monthly Municipal Advisory Committee Meeting for CY 2014”.
Inawat ni Mayor Edgardo “Ediboy” S. Cobangbang, Jr. ti nasao a Certificate of Recognition ken binayabay da Vice Mayor DJ Savellano; MSWD Officer Mrs. Lydia S. Gazmen kasta metten dagiti Staff ken Personnel iti 4 P’s Municipal Operations Office (MOO) iti imatang ti Pamilia-LGU Cabugao. # (Web In-Action)
No comments:
Post a Comment