Friday, November 16, 2012

2012 DISTRICT SCIENCE QUEST, NAANGAY

Cabugao, Ilocos Sur – Naangay ti 2012 District Science Quest iti amin nga eskuela-elementaria ti Cabugao iti Cabugao South Central School Conference Hall idi Nobiembre 15, 2012.

Immuna a parte ti aktibidad ket ti Opening program. Indauluan ni Mrs. Catherine Margie I. Seatriz, Teacher 1, CNCS ti Opening Prayer, Welcome Talk ni Mrs. Melvi S. Sajonia, Principal II, CSCS  ken nagsaruno ti intermission number ti CSCS ROYSC ken ti Presentation of Participants ni Mrs. Marlin Aquino, ROSCA Executive Secretary. Nagsapata  dagiti Opisiales ti ROYSC ken ROSCA.



Nasangaili a nagmensahe  ni Mayor Edgardo “Ediboy” S. Cobangbang, Jr. Kimmablaaw ken nagyaman ni Mayor Ediboy  ta makatakunaynayna dagiti ubbing nga agduyos iti siensia. Innayon ti Alkalde Munisipal a napateg daytoy a sirib a maipasagepsep iti naganus a panunot dagiti ubbing ta iti siensia ket maysa a napateg a ramen ti panagbiag ti tao ken iti kagimongan a paggargarawanda. Kuna ti Ama ti Ili a makikaysa isuna  iti sektor-edukasion iti gannuat a mangipromot ti pannakapadur-as ti kagimongan babaen ti Siensia kas ipaganetget ti Tema ti programa: “Building a Healthier Environment Through Science”.

Kalpasan ti panagsarita ni Public Schools District Supervisor Helen V. Siruno,  pinagyamananna iti yaay a  pannakidanggay ni Mayor Ediboy kadaytoy nga okasion ti DepEd District.



Impaay ni Mrs. Evangeline U. Seatriz, District Science Coordinator ti Orientation sakbay a naiwayat ti Contest Proper iti Science Quiz Grade 1 to 6, Environmental Quiz Show, Investigatory  Project, Collage Making, Sci-Essay, Sci-Oration, YES-O Poster Making Contest, YES-O Spotlight ken YES-O Exhibit.


Maaramid met ti contested activities ti Teachers kas iti Action Research, On the Spot Improvisation, Module Writing ken Strategic Intervention Materials. Maaramid ti Closing Program ken Awarding Ceremonies iti kamalman dayta a petsa. # (Web In-Action)

No comments:

Post a Comment