Sunday, November 4, 2012

NABUN-AS NGA AYUP, NAALIBTAK A KORIDOR

Cabugao, Ilocos Sur – Nabun-as latta dagiti mai-dayo nga ayup (nuang, baka ken baboy) iti kaaldawan ti Dayo  iti Sabado (Nobiembre 3, 2012).

Iti pannaki-amad ti Web In-Action ken ni Mr. Mariano Raciles, Presidente ti Cabugao Livestock Traders Association, imbatadna nga agdepende met laeng iti panagagawa dagiti koridor iti kaadu ti  masangal  a  transaksion tapno mapagbalin a pakairanudan ti sapasap: koridor, agginnatang, livestock office ken ti management.

Innayon pay ni Mr. Raciles a ti papanda idiay Padre Garcia, Batangas ket manamnama a makagun-odda iti baro a teknik ken estratehia a mangpadur-as pay ti panagoperar ti Cabugao Dayo ken magunggonaan met ti rikna dagiti makigamgamulo iti pannakaidur-as ti dayo iti maaramid a Lakbay-Aral a papanda iti kadakkelan a Trading Post ti animales. # (Web In-Action)

No comments:

Post a Comment