Tuesday, November 6, 2012

ORGANIC A GANAGAN, NAITED KADAGITI GARLIC GROWERS

Cabugao, Ilocos Sur – Naited ti 30 bags nga organic fertilizer kadagiti agmulmula ti bawang kadagiti barangay ti Pug-os, Salomague, Sabang, Namruangan, Baclig, Sagayaden, ken Rizal babaen ti programa ti High Value Crops Development Program (HVCDP) ti Department of Agriculture (DA) para iti Dry Season Crop 2012-2013.

Tinarawidwidan ti DA-LGU Cabugao ti pannakaiwaras dagiti  nasao a bilang ti ganagan  iti panangimaton ni Mrs. Ester Aguimbag, Municipal Garlic Program Coordinator idi Nobiembre 5, 2012 ditoy Munisipio ti Cabugao. 


Paset daytoy ti prayoridad a programa ti Gobierno Munisipal nga idauluan ni Mayor Edgardo “Ediboy”  S. Cobangbang, Jr. kadagiti mannalon nga agmulmula ti “cash crops” a maysa kadagitoy ti bawang  a mangnayon ti matgedanda a mangitag-ay ti kasasaad ti panagbiagda.

Inimatangan  da Vice Mayor Danny Q. Gazmen ken SB Member Benedicto M. Savellano, Committee Chair on Agriculture iti pannakayawat dagitoy a ganagan kadagiti agmulmula ti bawang a mannalon. # (Web In-Action)

No comments:

Post a Comment